香港探秘地圖｜丁子朗chok樣宣傳劇集　歡迎網民留言評價演技.無綫新劇《香港探秘地圖》下星期播出，由黎耀祥、龔嘉欣、丁子朗、孔德賢同倪嘉雯等主演。丁子朗日前喺社交平台分享花絮宣傳，話套劇兩年前開鏡，期待咗好耐終於同大家見面。佢形容呢段港式恐怖探秘之旅有驚險、有感動，仲有估唔到嘅真相，作為演員最幸福係透過角色帶觀眾進入唔同世界。

丁子朗透露，拍攝期間佢同團隊走遍香港大街小巷，好多夜晩通宵開工，雖然辛苦，但見到成片一刻覺得一切都值得。佢仲話每次有新角色都好歡迎網民留言評價演技，等佢可以針對意見調整，睇得出佢對每個角色都好用心。TVB