楊洋襲港數百粉絲冒雨撐場 瑟琪預告Red Velvet即將回歸.內地演員楊洋、韓國女團Red Velvet成員瑟琪（Seulgi）、柯煒林、王丹妮、譚旻萱、盧慧敏及黃淑蔓等，今日（15日）到尖沙咀出席周大福珠寶全球首家旗艦店開幕活動。楊洋一出場即吸引數百粉絲冒雨喺廣東道隔住馬路守候，現場要出動多名警員同保安維持秩序，場面墟冚。楊洋受訪時感謝粉絲冒雨支持，感受到大家嘅熱情，承諾會繼續拍更多好作品回饋大家。佢主演嘅武俠劇《雨霖鈴》日前開播，楊洋話見到好多網上留言支持，希望劇集獲更多觀眾喜愛。

瑟琪就大談對首飾嘅喜好，佢話戒指係日常不可或缺嘅飾物，戴咗先覺得完整。問到想挑戰咩音樂風格，瑟琪話想試Hip-hop同慢歌。早前佢舉行生日會以回顧同前行做主題，被問到演藝生涯最珍貴嘅回憶，佢認為做歌手可以去世界各地同粉絲見面，呢啲回憶最珍貴。瑟琪仲透露，Red Velvet即將回歸推出新專輯，希望一切順利。再次嚟到香港，瑟琪話感覺好似身處電影入面，希望有機會影多啲相留念。