吳業坤日本女優妻大晒廣東話 揚言想拍港產片. 吳業坤太太濱口愛子（Aiko Hamaguchi）日前出席家電活動，著上日系白色吊帶裙，感覺清爽涼快。雖然佢喺日本長大，以日文為母語，但隨夫來港定居後努力學廣東話，喺活動上大晒語言天分，用廣東話介紹主演嘅廣告。

問到可有興趣加入樂壇挑戰廣東歌，佢話：「暫時我唔會挑戰廣東歌，因為我喺日本時已經對香港電影有濃厚興趣，有機會都會嘗試。」被問會否同吳業坤夫妻檔上陣，佢話暫時未有適合嘅工作。濱口愛子仲話香港天氣太熱，自爆每次返到屋企第一時間唔係搵老公：「通常我都會先開冷氣，因為有個舒適嘅環境，先有返到屋企嘅感覺。」

TVB