關嘉敏擔任「花生團」 為求愛者提供過關斬將攻略. 藝人關嘉敏（Carman）去年憑無綫戀綜《女神配對計劃》人氣急升，工作機會不斷。佢將助陣新一季節目，擔任「花生團」成員，為求愛者提供過關斬將攻略。近日Carman喺社交網上載一輯靚相，為《女神2》面試直播宣傳。一向性感嘅佢今次收起「峰」芒，改以甜美Look登場，著上紅白花花吊帶裙露出香肩，配以大粒櫻桃耳飾同粉嫩腮紅，俏皮可愛。Carman笑言認唔出自己：「我化妝師成日將我變咗另一個人，呢個邊個嚟？」粉絲紛紛讚靚，好友黃建東更搞笑留言：「Hello，羅毓儀，好耐冇見～」TVB