滕麗名剖白演藝圈31年心路 談失落金像女配：習慣咗，睇化咗. 無綫處境劇《愛‧回家之開心速遞》「熊尚善」滕麗名接受電台訪問，分享入行31年心路歷程。今年憑電影版《尋秦記》首獲金像獎最佳女配角提名，雖然失落獎項，但她坦言：「一定會覺得自己有機會，但一啲都無失望，因為成件事已經賺咗。」她透露經歷過18次無綫頒獎禮，早已睇化獎項，唯一一次唔開心係《陀槍II》「陳三元」被強姦嗰年：「因為收視好高，我諗就算唔係角色，套劇都應該有份攞獎，嗰陣真係好失望好失望；自此我就同自己講唔會再失望，因為控制唔到。」

阿滕又自爆曾被邀約影性感相，甚至有人出百萬片酬請她拍三級片，但她拒絕：「我係好保守嘅人，當年冇參加港姐去參加新秀，就係因為過唔到着泳衣嗰關。」談到過往情路被形容坎坷，她說從來冇呢個感覺，反而覺得自己幸運同灑脫。對於婚後冇生育，她坦言結婚頭一年短暫想過，但冇遺憾：「我係控制狂，如果我有小朋友，佢會好大壓力，未必係好事。」至於13年婚姻保鮮秘訣，她說兩公婆日日玩低能嘢，入門口要攬攬，最重要唔收收埋埋，能夠喺對方面前呈現小朋友形態，就係安全感。TVB