《香港探秘地圖》518首播 黎耀祥龔嘉欣大鬥法 拆解7大都市傳說. TVB全新靈異輕喜劇《香港探秘地圖》將於5月18日（星期一至五晚8:30）喺翡翠台首播。劇集由《靈戲逼人》金牌監製王偉仁操刀，視帝黎耀祥同視后龔嘉欣領銜主演，聯同丁子朗、倪嘉雯（Carmen）、孔德賢等上位小生花旦，以全新視角探索香港神秘面紗。

劇集以7大港人熟識嘅都市傳說為藍本，包括大學校園傳說、片場靈異事件、華富邨UFO目擊紀錄、結界之謎等。龔嘉欣飾演極度崇尚科學嘅女主角「畢萍」，決心拆穿黎耀祥飾演嘅風水大師「莊一臣」嘅神棍真面目，視帝視后鬥智鬥力，火花四濺。

劇中幾位新世代演員同樣搶鏡。倪嘉雯飾演「A0戀愛腦」王秀儀，為求脫單無所不用其極，仲會反串貼鬍鬚，反差極大，堪稱「搞笑擔當」。丁子朗飾演「渴望見鬼導演仔」高文彬，係令倪嘉雯A0嘅幕後黑手。孔德賢飾演龔嘉欣弟弟「畢鳴」，同倪嘉雯因美麗謊言不打不相識，爆笑連場。

劇集仲融入「靈異頻道」同「網紅流量」元素，諷刺現代人為追逐點擊率而盲從神秘力量，幽默反映網絡洪流嘅荒誕現象。想笑住嚟探秘，記得留意首播！TVB