關嘉敏凌晨化白臉妝拍戲遇怪事：收唔到音，啲燈唔小心熄咗. 關嘉敏今日（17日）出席劇集《香港探秘地圖》宣傳活動，接受《香港01》訪問時大方承認自己已踏入「中女」階段，仲笑言「中年三寶」已經中咗兩樣。佢話自己唔介意被叫中女：「點解唔承認？咁真係嘛。其實我而家開始接受，到時真係到中年嘅時候就冇咁難受。」
關嘉敏喺劇中其中一個單元飾演粵劇花旦，第一集就會出場。佢話角色有啲機心，會同龔嘉欣等有對手戲，仲試咗好多唔同造型，包括化白臉唱粵曲、著旗袍等。講到拍攝時有冇遇過靈異事件，關嘉敏帶點驚慌話：「拍嘅時候都有少少驚！我仲好記得喺古裝街拍，凌晨時分化住個白臉妝，其實會有少少驚。」佢透露拍攝期間試過收唔到音、啲燈唔小心熄咗，但希望只係技術問題自己嚇自己。TVB
