社畜求生101｜周嘉洛「港女」上身 大跳社畜擦鞋舞. TVB首部AI職場微動畫《社畜求生101》今晚（18日）起，逢周一至周五晚八點半翡翠台播出。劇集由周嘉洛聲演主角臥底喵喵「阿星」，資深配音員黃啟昌聲演最佳拍檔狗狗「阿花」，兩人一個戇直、一個滑頭，喺辦公室擦出無限火花。

首周重點劇情講述正直天真嘅阿星，因為太追求職場公平正義，屢次撞板被扣分，仲俾辦公室「擦鞋精」狐狸女阿蓮連環重擊，事業同臥底生涯岌岌可危。為配合「擦鞋係王道」嘅核心劇情，阿星夥拍阿花大跳「社畜擦鞋舞」，以極度Cutie兼少女感嘅表情動作，大晒「擦鞋七式」，包括扭計手、Bling Bling眼等，仲配合經典擦鞋金句：「老闆你好叻呀！公司冇咗你唔得！」、「飲咖啡未呀？買早餐畀你啦！」等，道盡打工仔心聲。TVB