呂慧儀晒「熊家寶寶」合照超催淚 網民不捨《愛·回家》敲碗盼有新合作. 《愛‧回家之開心速遞》即將步入尾聲，一眾演員同觀眾都依依不捨。「長腳蟹」呂慧儀日前喺社交平台貼出一張同「爸爸」劉丹及「家姐」滕麗名嘅親密合照，並感性寫道：「相，我還有很多……」瞬間刺激無數劇迷淚腺。

相中飾演熊家大家長「熊樹根」嘅劉丹坐喺正中間，攬實戲中兩個寶貝女——大女熊尚善（滕麗名飾）一改戲裡腹黑毒舌形象，靠喺爸爸肩頭笑得溫柔；細妹熊若水（呂慧儀飾）就對鏡頭擺心形手勢，畫面溫馨，充滿「熊家味道」。網民紛紛留言不捨：「唔知自己要用幾耐先可以接受呢個事實」、「你哋已經完全成為我生命中嘅一部分」、「這是我整個青春」。大家更集體「敲碗」，希望原班人馬短期內再有新合作，延續呢份長達多年嘅情懷。TVB