容天佑宣布B女出世 重近8磅！五官精緻超得意. 容天佑日前喺社交平台宣布喜訊，透露太太已順利誕下重3.5公斤（約7.7磅）嘅可愛B女，正式升呢做爸爸，展開一家三口新生活。容天佑話B女非常「生性」，識得體貼爸爸工作時間。

佢早前出席新劇開鏡儀式時已幸福滿瀉，但隨住預產期逼近，自爆心情變成「極度慌張」，擔心拍劇拍到一半太太突然作動，好彩劇組承諾「隨時放人」，乖囡亦等爸爸收工後先出世同父母見面。如今妻女已平安出院回家，容天佑不忘喺網上向太太發表愛的宣言：「辛苦你了！」獲大批網民祝福。TVB