周遊人生｜周奕瑋探訪大熊貓保育員 聞熊貓便便一聞上癮. 周奕瑋（Jarvis）主持嘅《周遊人生》今日（18日）起，逢周一至周五晚十點半翡翠台播映。首集主角係大熊貓保育員朗舜筠（Janet），Jarvis專程飛赴四川，緊貼Janet喺中國大熊貓保護研究中心「神樹坪基地」一日嘅工作。Janet每日天未光就出發，貼心照顧七隻大熊貓嘅起居飲食，做咗14年保育員嘅佢話：「我到依家見到大熊貓都仲有感覺㗎。」

Janet仲向Jarvis拆解唔同熊貓糞便代表嘅「健康密碼」，邀請佢一齊聞。搞笑嘅係，Jarvis竟然「一聞上癮」：「我覺得聞大熊貓便便係會上癮，個感覺就似你走入竹林，有陣風吹過嚟，有陣好香嘅竹味。」---TVB