佘詩曼大讚契仔Jaco聰明到不得了 互動溫馨滿瀉：真係醒到不得了. 佘詩曼（阿佘）同陳山聰囝囝Jaco感情要好，早前仲一齊拍攝廣告。阿佘近日喺社交平台分享幕後合照，更大讚契仔聰明絕頂。事緣兒童節嗰日，Jaco同爸爸陳山聰行街時見到阿佘最鍾意嘅Labubu公仔，就話要買俾契媽。阿佘當然睇得出Jaco想收返份回禮：「結果佢揀咗一份喺香港好難買嘅禮物，最後要叫人專登喺上海幫我買。」阿佘亦買咗Jaco喜愛嘅公仔做回禮，專登等到一齊拍廣告嗰日送俾佢：「收到嘅時候，佢當然開心到爆～而我就覺得佢醒到爆～依家啲小朋友真係好聰明。」阿佘最後仲叫陳山聰要好好悉心教育同謹慎栽培Jaco。

另外，Jaco又餵契媽食蛋糕同幫佢戴皇冠，氹得阿佘不知幾開心。網民紛紛留言話呢個契仔認真聰明，又話兩人互動甜蜜。Jaco亦留言：「多謝靚女契媽💜我孝順父母之餘，將來都會好孝順妳。」TVB