中年好聲音4｜尤淑情晒神級唱功豪奪93分 以為一世都係師奶感恩《中4》改變人生.《中年好聲音4》昨晚（17日）播映「人生之歌」下半場，被封為「中4大魔王」嘅尤淑情，以高亢、極具爆發力嘅聲線獻唱信樂團《海闊天空》，感情技巧並存，直擊觀眾心靈。來自馬來西亞、39歲嘅尤淑情自細熱愛音樂，但成為三子之母後只能將夢想收喺心底，專心照顧家庭。佢坦言以為自己一生都「好似一個師奶」，從未獨自出過遠門，第一次離開馬來西亞勇敢追夢，好感謝《中4》改變咗佢嘅人生軌跡，家人嘅支持係最大動力：「佢哋同我講，媽咪，你放心去比賽喇，我哋等你返嚟。」

尤淑情演唱《海闊天空》感情自然流露，高音位游刃有餘，超強爆發力令台下同評審驚嘆。肥媽大讚：「呢位女士，心情受影響都唱成咁，This girl is on fire！」揀選「進取之路」嘅佢最終以93分直接晉級。TVB