《中年4》譚永浩宣布離巢 效力無綫13年掙扎逾兩個月決定向外闖. 藝人譚永浩早前參加《中年好聲音4》，以蒙面身份「鹿七伯」登場，可惜比賽早段止步無緣晉級。佢昨日（17日）喺社交平台宣布結束13年無綫生涯，話為咗呢個決定掙扎咗兩個幾月，好唔捨得，但認為要成長就要學會獨立，係時候出去闖一闖。

譚永浩發文感激TVB帶畀佢一切，由《獎門人》嘅「獎品先生」到節目常規主持，由一出場就被斬死嘅士兵到劇集主要角色，仲有機會喺大騷上唱歌跳舞，甚至唱劇集插曲。佢多謝旦哥、樂小姐、珍姐、Sandy姐、Herman，以及每一位起用過佢嘅監製、導演、PA等，話感受到製作嘅用心同難得嘅人情味。佢最後寫道：「眨吓眼，13年。我會記住每一張臉。我哋江湖再見。」TVB