張寶兒產後4個月速減盆骨 袁偉豪恨追女遭囝囝「拒絕」？. 張寶兒今日（18日）到銅鑼灣拍攝產後體態修復廣告，早前誕下細仔「袁氹氹」嘅佢花咗4個月時間收身，盆骨縮減咗，已經可以重新著返細碼衫。問到生第二胎係咪更注重身體健康，佢話：「第一胎就冇乜問題，第二胎消耗大啲，所以要更多護理。」佢坦言體態仍未完全回復，仲有肚腩仔，收身仍需努力，好彩有老公袁偉豪鼓勵。

被問到可會考慮再生，寶兒話：「要再努力，搞掂𠵱家呢兩個先，湊兩個要多好多時間同心機。」講到袁偉豪恨生女，佢話隨緣啦：「啲仔愈大爸爸都愈鍾意，𠵱家成日帶佢去做運動、游水。」至於大囝想唔想要個妹妹，寶兒笑言：「小朋友梗係唔想要，想獨霸父母，但係哥哥都好錫細佬，細佬又成日望住哥哥，好有愛。」

TVB