【On.cc】吳若希惡人有惡報　淪為家奴畀人恰

歌手吳若希（Jinny）在人妻界出名「強勢」，其圈外富二代老公何兆鴻（Alex）在其嚴管下，形成女尊男卑的局面，不過她為宣傳有份主持的無綫綜藝節目《夫婦肺片》，破例讓老公在全港網友面前威番次，可謂大快人夫心。

Jinny對老公又愛又恨。

Jinny係好媽媽。

但佢唔笑時，個樣就有啲惡。

Alex在片中狂老點Jinny做家務。

Alex成功振夫網，連隻狗都向佢致敬。

其實兩夫妻好恩愛。

鄭衍峰都擔心Alex人身安全。

Alex呼喚老婆做嘢。

片中見Alex攬住囝囝如大爺般安坐在家中客廳的梳化上，之後一聲：「媽咪過嚟。」就見Jinny如女傭般走到「一家之主」面前等吩咐，Alex連續問老婆：「洗咗碗未」、「執咗房未」、「餵咗狗未」，Jinny表示全部完成任務，當他再問：「（我）可以出去玩未」，她爽快答應：「可以。」Alex即拍住手掌，面帶笑容，開心到跳住出門口，而他身邊的牧犬狗也交埋戲，見男主人「終於出頭了」，就頭耷耷似致敬外，還流露敬佩的眼神。

Jinny留言：「睇完夫婦肺片，可以睇吓何生如何振夫綱！」不過洞悉世情的網友就話：「（指Alex）下場應該好淒涼。」最有遠見的無綫藝人兼主持人鄭衍峰就驚有人命傷亡：「何生拍完呢條片之後安好嗎？不敢想像」，而Jinny有回覆：「屋企附近有棵樹嘅樹底好似有翻新咗嘅泥土。」完全想像到Alex「結局」的鄭衍峰再留言：「ok，永遠想念佢。」相當搞笑。