飛常日誌II｜劉穎鏇戴祖儀「長腿大激鬥」 郭柏妍甜美機師Look勁煞食. 由陳耀全監製、黃偉強編審嘅航空實感專業劇《飛常日誌II》，將於6月15日起，逢星期一至五晚八點半翡翠台播映。主要演員有馬國明、高海寧、劉穎鏇、周嘉洛、朱敏瀚、洪永城、郭柏妍、吳偉豪、戴祖儀、張馳豪、鍾柔美、徐榮等。

第一季播出時，劉穎鏇（Tiffany）同戴祖儀嘅空姐造型引爆全城熱話。嚟到第二季，Tiffany嘅角色高雅雯已升職做管理層，空姐Look可能成為絕響，今季「長腿空姐擔當」就落喺出名有修長美腿嘅戴祖儀身上。根據官方首輪宣傳劇照，雖然Tiffany已轉行「甜美OL」造型，但多以短打為主，依然大晒美腿；而喺12人大合照中，坐正中間嘅Tiffany同戴祖儀不約而同晒長腿，戴祖儀仲著埋黑絲，各有美態。

上季因「短打橫行」獲封「腳柏妍」嘅郭柏妍（Rosita），今季升呢做女機師，收起美腿換上長褲機師制服。雖然脫離短打少女造型，但網民依然大讚，話著長褲反而更突顯佢「九頭身」完美比例：「腳柏妍就算穿長褲，依然遮擋不住那雙長腿的氣勢！」加上高顏值，獲封「新一代制服女神」，仲話「型格得嚟又有甜美感」。而今季「承繼」郭柏妍青春少女寶座嘅係鍾柔美（Yumi），劇中Keep住以短打造型上陣，主攻甜美粉色系，同樣值得期待。TVB