羅美路轉會呢單野，到目前為止，國際米蘭成功嘅可能性好細，背後原因有好多。不過，根據喺意大利方面嘅消息源透露，國際米蘭與熱刺早喺5月中就已經就呢位阿根廷中堅情況進行過溝通，但當然大家都處於了解，而唔係實際行動。
因為無論價錢、位置、踢法，都應該唔係首選。但時隔兩個月，突然間具體咗，背後原因係咩，唔知道，國米高層、橡樹資本想法，亦唔知道。
國際米蘭整個夏天都好謎，次選方案比首選方向貴，而且一直喺度放風橡樹設限。但所謂三大原則：25歲以上唔簽；2500萬轉會費以上唔簽；250萬人工以上唔簽。羅美路全部違反，如果老闆設限，而高層選擇「違反」然後簽唔到，咁到底係包拗頸定玩權鬥？ 實在難以分析… 😮💨🤷（冇下家收購都係麻煩）
