麻甩妈咪｜陈辉虹相隔30年复出拍剧 陈秀珠原来系镜粉最爱Ian MakerVille剧集《麻甩妈咪》开镜拜神，陈辉虹与陈安莹将饰演夫妻，又与陈秀珠做亲家，黄文慧（Bonnie姐）将与珠姐做冤家。讲到今次组合好新鲜，四人接受访问时，Bonnie姐说自己几廿年前与陈辉虹合作过，但对方後来去了做百代唱片及金牌大风等唱片公司高层，笑称：「佢系高高层，点会同我哋合作！」 原来今次已是陈辉虹相隔多年再拍剧，上一套已数到30多年前的亚视剧，他笑言：「严格嚟讲叫复出。（有咩令你今次会出山拍剧？）因为架??坏咗 ，高层都要落返嚟。」珠姐今次饰演陈瑞辉（Frankie）的外母，是她首次与MIRROR成员合作，表示：「同我心目中嘅乖仔合作，Frankie好乖仔，我好锺意呢个仔。佢个样好乖，你唔觉得入面系最乖系佢咩？个人都乖。」言谈间珠姐透露自己是镜粉，首辑《全民造星》已开始追看，当讲到最锺意边位成员，她谓：「我唔怕讲，我真系锺意，我锺意Ian（陈卓贤）嘅！」大赞对方唱歌好听，打排球又叻。 陈安莹指自己的剧本中，都有讲自己去睇MIRROR演唱会的情节，Bonnie姐就说：「佢哋全部MIRROR都系打拼而上，我哋睇住佢入行，我哋都有投佢哋一票，我哋系投票者。」但她就怕被偏心，所以拒透露支持边位，只笑称：「个个都锺意！」当问到陈辉虹会否考虑与MIRROR在音乐上合作，他小心回答：「我哋比较8、90年代，2000年嘅曲风，佢哋可能有排先尝试到。」
