何太何伯开直播向细女讨回亡妻首饰 再追450万：唔系我都唔眼闭 《东张西望》何生何太事件发酵至今一直是传媒及观众关注的焦点，何太今日（6日）在抖音与老公何伯齐齐开直播交代何伯亡妻的首饰遗物分配一事，他说：「（亡妻）啲首饰多过我现任妻子，仲有啲首饰手链，钻石戒指系埋晒嗰度，仲有翡翠手鈪摆埋喺（亡妻）嘅骨灰龛度。」他透露目前亡妻的首饰遗物在细女手上保管，并表示：「嗰啲系我买嚟送俾亡妻。」 坚持取回亡妻首饰的权利 有网民向何伯提问：「点解要攞返亡妻嘅首饰？」他表示：「要攞返，嗰阵时我冇夹万摆咗喺细女嗰度，嗰阵时佢影出嚟买首饰嗰阵时候有晒单据。」新何太激动表示：「点解网民要攻击我，又话我呃又话我贪心，好难听都讲得出。」何伯强调亡妻的首饰并不是送给细女，他说：「净系俾佢保管，亡妻走咗梗系归返我啦！」新何太读出网民的留言：「你个细女系最黑心肠嘅人，你要唔要问吓亡妻嘅意见？」何伯回应：「亡妻佢知嘅一定明白嘅，因为我买俾佢系属於佢，俾咗个细女就有排争，嗰度有十両几金。」他解释若果拿回亡妻的首饰：「摆喺自己嗰度，如果第日冇钱就攞嚟卖返出嚟之後用。」 450万养老金最新进展 讲到细女将他的450万养老金全数提走，现时的最新进展，何伯说：「梗系要攞返嚟，一定攞到返嚟啲钱系我搵返嚟，如果唔系点我都唔眼闭，我决心攞返返嚟，我要用嚟养老，全部攞晒我，留得嗰$4200，$4200点够啊！养大佢哋（何伯的孩子）都冇用，养到佢哋18岁都唔识报恩！」何伯何太异口同声表示：「我哋冇钱请律师，申请法援。」至於有关求助法援部份，何伯表示：「俾足时间我细女，如果逼到我最後我会同佢喺法庭见，法庭一见盗窃咗我啲钱，佢就要坐监。佢冇问过我冇通知过我，就等於偷我啲钱走。佢唔认我呢个老窦，我就唔认我呢个女。」
