【On.cc】賴慰玲捨命陪兒子 挑戰高空飛索
藝人賴慰玲出名是圈中廿四孝媽咪，她近日帶同兒子和好友陳曉華一齊挑戰高空飛索，她昨日（16日）將相及片段放上社交網分享，她配文：「邊個發明了暑假？暑假梗係要盡興啲啦！玩埋上天，直頭係捨命陪君子！」她稱原本很想玩，但去到見到有個叔叔不敢玩而走下來，令現場氣氛變得緊張，怎料兒子完全不怕，還表示玩得好開心，輪到她玩的時候還悟出大道理：「大會安排每人一部攝影機，多角度拍攝留意埋地面嘅人做緊咩，好啦咁我都鼓起勇氣踏出去，原來只要踏出去然後就冇嘢好驚，人生啲大道理就係咁樣悟出嚟，一路飛一路覺得好安靜，仲覺得終於可以抖抖，當你以為玩完點知仲有個高台等緊你，兒童無畏無懼又跳咗落去，睇住你班大人點。」
最後賴慰玲問陳曉華：「仲有冇咩想挑戰？」連陳曉華也不禁大讚對方犀利：「邊個阿媽可以變到每日一個活動出嚟，我未去做過嘅嘢，你哋全部做過晒。跟機放暑假。」網民稱讚3人勇敢，有人竟提議她們下次可以挑戰笨豬跳。
賴慰玲同囝囝暑假放電。
囝囝乜都唔驚！
陳曉華都玩埋一份。
出發！
只要踏出第一步就得！
囝囝好大膽。
飛呀！
