麥真恩第一次喺英超梅開二度；屈堅斯自從2023年4月之後，第一次喺禁區外取得英超入波；維拉近13場各項賽事贏12場 ，今季主場連勝去到8場，同曼城並列20隊之冠。森林近6場英超輸咗5場，球隊進攻嘅諗法同理念認真要調節下，龍門莊域陀（John Victor）嘅決定都幾攞命。鍾柔美（中遊尾）嘅白禮頓大戰夏柔美（下遊尾）嘅般尼，白禮頓近7戰首勝，但係焦點就落喺70分鐘後備上陣，現年40歲嘅老將詹士米拿身上，自2002年以來已經喺英超聯擁有25年職業生涯紀錄。狼隊總算取得球季第一勝，亦都係第一次保持清白之軀。年輕球員馬迪奧斯文尼（Mateus Mane）相當搶鏡，先係締造十二碼由黃喜燦射入，再有自己喺41分鐘射入成3-0。今仗佢哋嘅左路威脅相當大，若非艾利奧拿把關出色，韋斯咸未必淨輸三粒。阿仙奴都有迪勤萊斯梅開二度，今季貢獻咗4個入波7次助攻。先失一波嘅佢哋由將功補過嘅加比爾後上射入追和，麥杜基嘅決斷同突破好關鍵。般尼茅夫表現唔差，亦都有唔少威脅埋門。伊雲尼路臣（Francisco Evanilson）捕捉住加比爾失誤射入取得領先；卻比（Eli Kroupi）下半場後備入替第一腳觸球就命射得手，可惜為時已晚。英超第20週賽事賽果-阿士東維拉3-1 諾定咸森林白禮頓2-0 般尼狼隊3-0 韋斯咸般尼茅夫2-3 阿仙奴列斯聯🆚曼聯（稍後時間進行）紐卡素🆚水晶宮托定咸熱刺🆚辛德蘭愛華頓🆚賓福特富咸🆚利物浦曼城🆚車路士 🏴
