2025年5月31號、2026年5月30號，原來呢兩季巴黎聖日門嘅捧盃日子都係相差一日而已。巴黎成為第9支成功衛冕歐聯/歐冠嘅球隊；主教練路爾斯安歷基分別喺2014/15帶領巴塞隆拿，2024/25、2025/26帶領巴黎聖日門三奪歐聯冠軍。來緊8月12號，巴黎聖日門將會同歐羅巴聯賽冠軍阿士東維拉於薩爾斯堡爭奪歐洲超霸盃嘅桂冠。

馬昆奴斯同柏曹嘅南美中堅組合（🇧🇷+🇪🇨）越踢越好，亦都係球隊放心向前壓嘅信心來源。艾迪達喺法定時間90分鐘嘅掌控都算唔錯，但係加時下半場嘅戰術安排，尤其係馬昆奴斯同域天拿被調出後未有盡全力搶攻就令人有點費解。而十二碼決勝安排加比爾射最後一位，前面都有提及過眼神展露出嘅緊張心態都係失利嘅重要因素（揀麥杜基會唔會好一點？🤔）。相信呢d都會成為往後大家茶餘飯後討論嘅話題…

UCL巴黎聖日門阿仙奴