冠軍足球經理（CM01/02）最佳十一（妖）人🧾

以前打機一係睇名氣，一係睇攻略，就真係好少會深挖「黑科技」。到後期眾說紛紜，再精雕細琢先慢慢分辨到D精華所在。至於呢隻game，都真係近期先知道呢班妖人數值到最後係高得離譜（係未最強就各有說法）。

李察胡禮喺當年葉士域治就不嬲都係「勁底」；因為2002世界盃而認識嘅祖昆就有透過唔同渠道得知佢嘅潛力天賦高得離譜；至於孖辮仔韋斯同埋巴塞隆拿棄子基斯坦禾印象當中果陣都會鍾意用，但就冇咁好耐性等佢慢慢升lev.（等待慢慢成長）。

積加高係一個怨念，呢位白俄羅斯射手據說係整個遊戲裡面嘅「最強黑科技」- 呢個係後期由國外玩家爆料先知。假如有機會嘅話，都好想重溫一下呢個版本，起碼唔需要咁辛苦「一砸千金」走去買個朗拿度返來再用修改器改到佢體質20！

聞人多說話CM01/02