尋晚到今日凌晨又有6支球隊相繼公佈世界盃嘅大名單🧾🇮🇶🇯🇴🇮🇷🇵🇾🇹🇷🇶🇦

伊朗喺確定參賽之後，FIFA總算當下心頭石。今屆缺少咗艾斯蒙，泰利美同查漢巴殊就繼續擔大旗。不過佢哋三場分組賽都設喺美國，但只有比賽當日先可以抵達當地，其餘時間均只能夠喺位於墨西哥嘅集訓營地，舟車勞頓之下，好難期望會有太多作為。

卡塔爾嘅情況同樣唔係太被睇好，由中東球王艾菲夫領銜嘅「前亞洲一哥」，分組賽需要迎戰主辦國嘅加拿大、擊敗意大利獲得參賽資格，擁有南聯盟血脈嘅波斯尼亞以及中游勁旅瑞士，如無意外都係到此一遊。

最後時刻獲得入場門券嘅伊拉克，效力盧頓嘅「國寶」艾咸馬迪（Ali Al-Hamadi）例牌會成為各隊嘅特別照顧目標。佢哋身處I組，同組有大熱嘅法國、歐洲新貴挪威以及非洲勁旅塞內加爾，目標攞番一分算係更爲實際。

同處D組嘅巴拉圭同土耳其，幾乎同時間公佈26人人選。該組四隊波實力可以話旗鼓相當，邊個都冇絕對出線嘅話語權。巴拉圭嘅恩斯素同沙拿比亞鋒線組合充滿誘惑，但若論天賦與年輕，土耳其嘅居拿、基蘭耶瑪斯以及巴里斯耶瑪斯相信會更吸引觀眾嘅眼球。兩支球隊會喺第二輪分組賽面對面較量，睇下到時又刷出d咩火花。

FIFA World Cup 2026IraqJORDANIR IranParaguay[超话]TurkeyQatar