「1860 隨時歸零」💔

慕尼黑1860（TSV 1860 Munich）因為冇辦法喺截止日期前提供270萬歐元嘅流動性資金證明，未能取得德丙聯賽嘅參賽牌照，被德國足協行政強制降入第四級別 — 巴伐利亞地區聯賽（Regionalliga Bayern）。

今次危機嘅導火線，係球會大股東兼投資人伊斯麥克（Hasan Ismaik）喺關鍵時刻終止咗急需嘅貸款，未能履行其資金注資承諾。

雖然踢第四級地區聯賽嘅入場費僅僅大約5萬歐元，但為咗維持球會運作與基本參賽資格，球會而家仍急需籌集約 100 萬歐元資金，否則將直接面臨破產命運！

諗返2024/25球季，史浩克零四曾經都驚要降德丙，而當時球隊財政係未必攞到德丙牌照，即係曾經有危機要降地區聯賽甚至破產重組。換言之，上屆04護級成功係幾咁關鍵。