友誼賽出現紅牌都係好少見嘅事，但係葡萄牙嘅利奧同智利嘅伊雲路文就雙雙被逐離場。

般奴費蘭迪斯遠射入靚波、古迪斯（Gonçalo Guedes）都有單刀入波；簡些路呢場比賽表現揮灑自如 ，仲有倒掛攻門。葡萄牙下半場一段時間踢無鋒陣，將古迪斯推上最前，效果都唔錯。另外，四位為巴黎聖日門攞到歐聯冠軍嘅葡萄牙球員都缺陣。

蘇格蘭完成最後一場熱身賽，準備啟程前往美加墨。兩場熱身賽都取得大勝，奇勒應該感到比較滿意，但係就希望唔好催谷過早以及太早被對手洞悉佢佢哋嘅戰術佈置。而首場分組賽嘅對手海地，尋日一早就不敵秘魯（1-2）。

有得踢決賽週嘅球隊就捉緊最後機會等球員磨合，冇「任務」在身嘅球隊就繼續練兵應對日後嘅本大洲賽事。羅馬尼亞喺赫傑重新掛帥之後，兩場賽事皆保持不敗！今仗佢就收起咗「仔仔」恩尼斯赫傑，都照樣贏低比拿美執教嘅威爾斯。距離下一個國際比賽日都有點長遠，不過屆時賽程都幾密集。九月底到十月頭嘅兩週時間，佢哋就要進行歐國聯四場分組賽。身處B級D組嘅羅馬尼亞分別迎戰瑞典、波斯尼亞同埋波蘭；而威爾斯就要喺A級D組挑戰葡萄牙、丹麥同埋挪威。

尋日上午到今日凌晨結束嘅國際熱身賽賽事賽果-波多黎各🇵🇷0-3 🇸🇦沙地阿拉伯加拿大🇨🇦1-1 🇮🇪愛爾蘭海地🇭🇹1-2 🇵🇪秘魯瓦努阿圖🇻🇺2-1 🇫🇯斐濟緬甸🇲🇲6-1 🇬🇺關島比利時🇧🇪5-0 🇹🇳突尼西亞亞美尼亞🇦🇲1-1 🇰🇿哈薩克斯坦吉爾吉斯斯坦🇰🇬0-0 🇵🇸巴勒斯坦埃塞俄比亞🇪🇹1-0 🇲🇼馬拉維塞拉利昂🇸🇱1-0 🇱🇷利比里亞直布羅陀🇬🇮4-1 🇰🇾開曼群島羅馬尼亞🇷🇴2-1 🏴󠁧󠁢󠁷󠁬󠁳󠁿威爾斯葡萄牙🇵🇹2-1 🇨🇱智利阿爾巴尼亞🇦🇱0-1 🇱🇺盧森堡美國🇺🇸1-2 🇩🇪德國巴拿馬🇵🇦1-1 🇧🇦波斯尼亞澳大利亞🇦🇺1-1 🇨🇭瑞士佛得角🇨🇻3-0 🇧🇲百慕達玻利維亞🇧🇴0-4 🏴󠁧󠁢󠁳󠁣󠁴󠁿蘇格蘭卡塔爾🇶🇦0-0 🇸🇻薩爾瓦多英格蘭🏴󠁧󠁢󠁥󠁮󠁧󠁿1-0 🇳🇿紐西蘭牙買加🇯🇲0-1 🇿🇦南非

FIFA 🌍⚽️