历代奖门人奖老ReU｜林晓峰因鞋带被睇中　钱嘉乐被钦点因口贱？ 由麦美恩（May

历代奖门人奖老ReU｜林晓峰因鞋带被睇中　钱嘉乐被钦点因口贱？ 由麦美恩（Mayanne）主持的《Mayanne小喇叭》播映最後两集，今晚（18日）一集，兼任《奖门人》现任奖老的Mayanne，邀得四位奖老界前辈林晓峰、钱嘉乐、兰茜及阮兆祥（按加入年期顺序）担任嘉宾，大谈参与《奖门人》拍摄的喜与乐。四人之中，虽然嘉乐被专称「大师兄」，但原来第一代奖老竟是林晓峰（阿Lo）及陈小春，阿Lo大爆当年嘉乐之所以被「奖门人」曾志伟睇中接小春棒，全因「把口够贱」。 嘉乐忆述当年接到奖门人邀约电话时相当意外，并笑言全靠奖门人自己的口贱才能才得以跳出武师界。谈到奖门人当年为何睇中阿Lo，原因竟和张国荣和一条鞋带有关，阿Lo说：「嗰时拍《金枝玉叶》，有一场戏讲张国荣先生上楼梯，我做助手跟住後面，当时佢唔知左脚定右脚甩咗鞋带。拍完嗰场後我哋放Break，返到嚟个甩嘅鞋带就调转咗喺另一只脚。当时导演嗌完Roll机後，我就嗌『咪住，好似唔连戏喎』，大家咪即刻睇番录影带：『系喎』。嗰日原来奖门人都喺现场，佢心谂原来呢条??仔都几上心，就搵佢嚟做嘢啦。」至於兰茜担任奖老的原因，则与玩奖门人游戏时全情投入「刨西瓜」及「刨粟米」有关。祥仔则畅谈当年如何与志伟、洪天明及邓兆尊夹计，以各人的脚毛及腋窝毛整蛊迟入组的姚乐怡，最後遭乐怡喊打喊杀，十分搞笑。 四人还大谈当年录影《奖门人》的「宵夜度桥日常」，当年因为电视台大战，《奖门人》最高峯一星期连播五晚，阿Lo大方分享了当年的度桥及上班流程日常：「下午三点返嚟开会，一路开到八点五十分。当年我哋就谂咗改歌词唱啲嘉宾名出嚟，咁每日揸车就要度18只歌，每个嘉宾要有3只，返到去奖门人就会坐喺度问边只好笑。然後度度度度到食饭，其实系食唔落架喎。有时做到一点钟左右收厂，但未完架，喺化妆间再开会，开到三点度，跟住就宵夜架喇，然後再搵地方。记得有一次打风，我哋搵到地方时已天光，成六点几七点。」 全集最惊喜部分，是当众人轮流模仿奖门人时，顽皮的志伟即手持小喇叭走入厂送惊喜，令当时除掉双鞋跪地扮紧志伟的嘉乐大嗌惊惊。志伟一到埗即扮作气冲冲搞笑谓：「几多人打电话畀我呀，问：『你仲唔落去？佢哋踩到你一文不值呀！』」之後众人疯狂互窒，混乱间曾展望竟大叫志伟「Daddy」，随即惹起哄动，志伟反应极快接招谓：「出得街架咩？你话畀大家听妈咪系边个？！」并亲解为何被专称「阿爸」，志伟说：「阿爸负责畀钱（埋单）架嘛，咁咪叫阿爸咯。」兰茜闻言即指志伟另一外号是「埋单侠」。另志伟又会亲解《奖门人》换主题曲之谜，答案更相当有爱，并与小朋友有莫大关系。#春日生活打卡季#