周慧敏自爆当年录《劲歌金曲》当众甩裙：条裙突然之间跌咗落地下 一向有「不老女神」之称的周慧敏日前亮相由郑丹瑞（旦哥）主持的网络节目《健康旦》大谈二人的合作经历，以及分享现阶段对於唱歌的看法和保养心得等。讲到二人相识的部份，周慧敏忆述郑丹瑞是当年电台的面试官：「嗰阵时就倾吓偈见吓面，然後就做DJ。嗰阵时我惊你（郑丹瑞），因为有气场同埋嗰阵你系好忙，返到嚟办公室系分秒必争，电台嘅人要问你问题。」 周慧敏踢爆老公倪震拿了乐悠咭 郑丹瑞在节目当中大赞周慧敏保养得宜，并笑言：「你仲有不足五年就可以攞乐悠咭！」她幽默回应：「快啦！系啦！我当我攞咗，因为我老公倪震啱啱攞咗，佢话当你都同我同一类别。」被问到有关保养心得，她表示：「其实外表嚟讲，我系正常女仔嗰啲紧张，但系唔夸张嘅。我觉得自然就系好睇，正常嘅保养我会做，但我相信觉得人系会自然老去，我接受优雅老去系正常，因为系自然定律。」她坦言现阶段仍然保持童真，维持开朗的心境，恍如小孩一样。 自爆开演唱会零歌酬原因 提到较早前举行演唱会回馈歌迷一事，她坦言因为制作费和舞台所需的费用庞大，其实自己并没有赚任何歌酬。她表示：「到最後计完数，我发现自己唔使出粮，原来我系零歌酬，我仲要贴多30万出嚟去做呢个演唱会，其实我真系为歌迷开心。」她透露推出演唱会DVD，其实也是亏钱，纯粹回馈歌迷支持。 忆述当年录《劲歌金曲》当众甩裙劲尴尬 周慧敏在节目分享当年曾经有一次在广播道录影《劲歌金曲》现场当众甩裙劲尴尬，她说：「喺录影嗰阵，突然间我条裙就跌咗落地下，我上身系一个西装褛，但系条裙突然之间跌咗落地下，跟住我大叫，然後跳到去背景板後面，整返好条裙先出返嚟，我就系一个咁大意嘅拍档。」#夏日生活打卡季#
