【On.cc】羅子溢奸到出汁獲讚有深度 感謝觀眾支持
無綫台慶劇《金式森林》近日的焦點一定落在高深（羅子溢飾）身上，因為家族信託問題，方仰天（郭晉安飾）與三名兒子學禮（何廣沛飾）、學勤（陳浚霆飾）和學賢（羅天宇飾）鬧上法庭；與學禮學勤代表律師應華龍（許家傑飾）庭上針鋒相對，句句有骨，網民對羅子溢好評如潮，大讚他有型靚仔，及角色是找對了賽道，讚他時奸時好的演技很有深度。到角色大受歡迎，子溢受訪時一如既往的謙虛：「真係要多謝觀眾鍾意呢個角色，亦都多謝監製、編劇將高深人設寫得咁好。其實有好多對白都係佢哋精心去編出嚟，本身啲對白已經賦予到我Energy。」他分享自己不會死記對白的秘訣，講對白若過於演繹便不自然，亦會在適當時候自度對白及立體化：「我上佢哋公司送醫療報告嗰度，佢（應華龍）一嚟就話：『你拎啲垃圾嚟做咩？』我就回佢一句：『你就垃圾！講笑講笑...』呢個其實我即場反應嚟，我主要根據自己嘅角色、場景、同應華龍當時嘅心情去消化佢句對白，再即時畀個反應出嚟。」子溢謙稱只要夠了解角色及場口，就會有「突如其來嘅神來之筆」。
羅子溢奸到出汁。
網民留意他的微表情都超級豐富到位，問子溢是否在微表情上下了不少功夫？他笑言：「我覺得做嘅時候最緊要似番一個人，人哋講對白時，就算你冇對白、個表情上都會回應對方，前題都係要將成件事消化得好好先，了解自己、對手、對白及場口。」他直言自當了爸爸後，有所改變，「除咗做父親之外，其實自己都成長咗，或者經歷多咗，冇以前嗰一股衝勁、急躁，變咗慢條斯理咗，人定咗好多，咁樣無論講對白或者做反應，會做得細緻好多…以前可能會好急住講自己嘅對白，但係依家講對白之前會消化咗先，又唔會一輪嘴咁講，會有自己角色設計嘅節奏。有時唔急，反而會好自然就流露咗一啲微表情出嚟。」
羅子溢獲演出超水準。
羅子溢演活角色。
羅子溢應付大量動作場面。
羅子溢實力擔當。
羅子溢演技精湛。
