森文尤4場為曼城上陣嘅比賽入咗3球，喺聯賽、聯賽盃同足總盃都入過波。冇夏蘭特，曼城差唔多進攻時俾查基、馬莫殊、森文尤輪流推到最前，古希都第一次為曼城上陣；尼高奧萊利尾段嘅連環阻封幾精彩。馬迪奧斯文尼喺進攻嘅參與度，冠絕整隊狼隊，但同隊友嘅配合、進攻嘅處理都需要進步；幾日前球隊拒絕列斯聯報價嘅史特蘭拿臣（Jörgen Strand Larsen）亦有後備登場。韋斯咸進入一月份中旬逐漸回溫，計埋足總盃九十分鐘賽事兩勝一和，聯賽背靠背獲勝。荷蘭翼鋒森馬維利（Crysencio Summerville）係兩連勝嘅關鍵人物，兩場都有士哥。般尼茅夫補時最後一分鐘依靠詹士希爾（James Hill）嘅手榴彈戰術，有艾文尼艾利（Amine Adli）喺混戰當中射入絕殺，終止過去13場對利物浦嘅不勝紀錄。利物浦繼續祭出4222怪陣，但個別球員還係唔喺狀態之內，包括隊長雲戴克、左閘基卡斯以及沙拿，兩位後衛失誤導致失球，沙拿則浪費最少兩次機會。較為穩陣嘅還係索保斯拿爾，今仗再次貢獻罰球入波；而盛傳離隊嘅球會副隊長羅拔就下半場入替基卡斯。英超第23週賽事賽果-韋斯咸3-1 辛德蘭富咸2-1 白禮頓曼城2-0 狼隊般尼2-2 托定咸熱刺般尼茅夫3-2 利物浦賓福特🆚諾定咸森林（稍後時間進行）水晶宮🆚車路士紐卡素🆚阿士東維拉阿仙奴🆚曼聯愛華頓🆚列斯聯epl 🏴
