尼日利亞歷史上捧過三次非洲國家盃，最近一次係2013年。若論今屆目前為止狀態最fit最有冠軍相嘅球隊，佢哋將肯定係首選。「非洲雄鷹」係進入淘汰賽後暫時贏得最輕鬆嘅一隊，面對弱旅莫桑比克幾乎可以話不給吹灰之力就搞掂對手。盧克文個人貢獻3個助攻同1粒入波，賽後再次獲選為當場最佳；效力西維爾嘅亞當斯（Akor Adams）都攻入咗個人今屆首個入波。莫桑比克嘅發揮遠遠低於預期，尤其係對比分組賽三場賽事。整場進攻威脅只有可憐嘅11次，除咗控球率落後之外，埋門同角球都係零，輸波已經係變得理所當然。埃及喺半場嘅表現乏善可陳，換邊後先稍有起色。馬雲艾堤亞（Marwan Attia）入靚波，令佢哋取得領先。不過後防嘅專注力值得深思，「燒鬚」式醫院波傳球幾乎釀成大錯。整體去到加時先有所起色，最終（加時）上下半場各入一粒，唔算太輕鬆地晉級到下一圈。比寧法定時間90分鐘內嘅演出相當精彩，守得密密實實令埃及機會唔多，而反擊又相當有效，去到加時先因為跌watt 而輸波。守門員丹迪真奴（Marcel Dandjinou）嘅撲救封堵值得一讚，若能夠撐到十二碼決勝，誰勝誰負都難以估計。非洲國家盃1/8決賽賽事賽果-塞內加爾🇸🇳3-1 🇸🇩蘇丹馬里🇲🇱1-1（pk：3-2） 🇹🇳突尼西亞摩洛哥🇲🇦1-0 🇹🇿坦桑尼亞南非🇿🇦1-2 🇨🇲喀麥隆埃及🇪🇬1-1（et：2-0） 🇧🇯比寧尼日利亞🇳🇬4-0 🇲🇿莫桑比克阿爾及利亞🇩🇿🆚🇨🇩民主剛果（稍後時間進行）科特迪瓦🇨🇮🆚🇧🇫布基納法索 🌍⚽️🏆🇲🇦🇸🇳🇲🇱🇨🇲🇪🇬🇳🇬
