布基納法索迎戰科特迪瓦，一開波已經處於完全捱打嘅局面，尤其係左路面對「曼聯小將」戴亞路（Amad Diallo）嘅衝擊，唔少鏡頭捕捉到需要起用3-4名守衛來應付佢嘅進攻。而球隊半場龜縮防守最誇張嘅時間連射手查奧爾（Lassina Traore）都墊後到中線以後10多碼嘅位置，可見承受壓力有幾大。而佢哋上半場唯一一腳有威脅嘅埋門來自賓福特嘅右翼奧亞泰拿（Dango Ouattara），皮球帶外西中柱再擊中科芬拿（Yahia Fofana）手背彈出，後者都驚出一身冷汗。下半場稍有改善嘅佢哋，換入咗緬奴安古（Georgi Minoungou），佢嘅衝擊算係對科特迪瓦製造多番d威脅，但整體實力差距無法彌補。科特迪瓦上下半場嘅戰術有明顯分別，兩個邊路嘅側擊能力令對手防不勝防。換邊後佢哋放棄控球戰術換取更多反擊機會嘅空間，巴桑文拿托尼（Bazoumana Touré）比賽尾段由己方禁區頂左側一條龍射入得點尤為精彩！科特迪瓦亦都係繼尼日利亞之後，以較輕鬆姿態晉級八強嘅球隊。賽前預測戰況會相當膠著命中嘅其中一場，結果就成為1/8決賽第三場需要進入到加時或十二碼先可以分勝負。明年世界盃決賽週，民主剛果嘅表現值得大家留意。雙方守門員都有高水準演出，麥柏斯（Lionel Mpasi-Nzau）全場有5次成功封堵，而「施丹仔」盧卡施丹（Luca Zidane）就有3次。面對巴甘堡（Cédric Bakambu）同杜安薛比（Axel Tuanzebe）嘅「考驗」，盧卡施丹處理得幾好，而佢都係今屆咁多隊裡面守門員評分最高嘅一個（未失過一球，對陣赤道幾內亞嘅守門員係二號龍文迪亞（Anthony Mandrea））。阿爾及利亞要喺加時119分鐘依靠保軒拿（Adil Boulbina）嘅「衝力射球」至攻破麥柏斯嘅十指關，若非民主剛果球員體能跌watt得嚴重，誰勝誰負都難以斷定，而後者出局都可以話雖敗猶榮。至此，八強球隊全部產生，阿爾及利亞將會迎戰尼日利亞，科特迪瓦就會惡戰埃及，加埋主辦國摩洛哥對喀麥隆，接落來1/4決賽依然絕無戲場！非洲國家盃1/8決賽賽事賽果-塞內加爾🇸🇳3-1🇸🇩蘇丹馬里🇲🇱1-1（pk：3-2）🇹🇳突尼西亞摩洛哥🇲🇦1-0 🇹🇿坦桑尼亞南非🇿🇦1-2 🇨🇲喀麥隆埃及🇪🇬1-1（et：2-0）🇧🇯比寧尼日利亞🇳🇬4-0🇲🇿莫桑比克阿爾及利亞🇩🇿0-0（et：1-0）🇨🇩民主剛果科特迪瓦🇨🇮3-0🇧🇫布基納法索非洲國家盃1/4對陣形勢-馬里🇲🇱🆚🇸🇳塞內加爾喀麥隆🇨🇲🆚🇲🇦摩洛哥阿爾及利亞🇩🇿🆚🇳🇬尼日利亞埃及🇪🇬🆚🇨🇮科特迪瓦 🌍⚽️🏆🇲🇦🇲🇱🇸🇳🇨🇲🇩🇿🇳🇬🇪🇬🇨🇮
