佳士拿帶領水晶宮7次對艾馬利領軍嘅維拉，5場贏2場打和。水晶宮下半場利用球場闊度同中路嘅人數優勢，爭取多咗攻門機會。佳士拿領軍還係唔太鍾意更改正選陣容，臨場調動亦偏少，今場只係換咗一個球員。而佢哋近9個失波，有8粒係來自死球，確實需要注意一下。屈堅斯機會最多，有4次埋門包括1次頭槌中柱。曼城殘陣應對白禮頓，有夏蘭特射入十二碼，個人今季收穫嘅第20個聯賽入波，亦係代表曼城嘅第150個聯賽入波。有魯賓戴亞斯同加華迪奧爾傷停嘅佢哋未能全身而退，三笘薰下半場早段就為白禮頓追和比數。客隊之後後防送禮，但貝納迪施華未能夠把握機會，皮球中柱彈出。曼城近三場聯賽遭遇三連和，與榜首阿仙奴差距或會再被擴大。倫敦打比，夏利韋遜22分鐘利用身位優勢令回防嘅古卻利拿變紅牌阿姑成為全場轉折點，車路士需要長時間踢少一個。富咸近段時間表現相當唔錯，其中夏利韋遜狀態算係最fit嘅一位，上半場食詐糊嘅佢，下半場還係射入關鍵一波，富咸最終險勝1球，係過去11場賽事當中第9場以1球球差分出勝負嘅賽事，馬高施華執教愈來愈穩定。車路士今場嘅死球處理積極威脅，而迪納嘅入波都係來自死球。唔知羅辛尼亞上任之後，會唔會充分利用好呢個優勢。愛華頓對陣狼隊，米高堅尼功過參半。上半場16分佢接應鐘艾路賓南（Tim Iroegbunam）角球助攻頂入領先，不過佢喺82分鐘拉扯艾路確達利（Tolu Arokodare）頭髮，經過VAR追討後紅牌被逐，加上基亞利殊7分鐘後不君子行為挑戰球證，「拖肥」最後得番9人迎戰。下一週兩位需要停賽兼要作客維拉，領隊莫耶斯賽後都皺曬眉頭。馬迪奧斯文尼連續兩場有士哥，狼隊連續三場有分落袋，護級形勢漸見光明。達倫費查代理領隊第一場賽事就「食言」，而今仗曼聯有般奴費蘭迪斯傷愈復出。面對尾二嘅般尼，坎費利斯（Bashir Humphreys）嘅傳中波省中希雲笠死拉文斯（Senne Lammens）。曼聯下半場加快進攻節奏，幸好薛斯高梅開二度將比數反超。可惜佢哋都係守唔到最尾。後備入替嘅查頓安東尼（Jaidon Anthony）入靚波追和，加上般尼防線球員集中力都幾好，雙方最終握手言和各得一分。紐卡素同列斯聯上演入球大戰，卡華特利雲打破近兩場入球荒，個人今季聯賽入球累積到9粒。紐卡素方面，最搶鏡莫過於夏維班尼斯（Harvey Barnes），呢位28歲英格蘭翼鋒梅開二度，尤其係補時101分鐘嘅絕殺，協助主隊全取三分。*賓福特嘅伊哥泰亞高梅開二度，1月份三場賽事入5波，單季累計聯賽入球數去到16球，打破巴西球員喺英超嘅入球紀錄（舊紀錄分別來自費明奴、馬田利尼以及昆夏嘅15球），值得欣喜！英超第21週賽事賽果-韋斯咸1-2 諾定咸森林富咸2-1 車路士曼城1-1 白禮頓水晶宮0-0 阿士東維拉愛華頓1-1 狼隊賓福特3-0 辛德蘭般尼茅夫3-2 托定咸熱刺般尼2-2 曼聯紐卡素4-3 列斯聯阿仙奴🆚利物浦（稍後時間進行） 🏴
